Brendan Scannell

IarAmbasadóir na hÉireann chuig an Eastóin

In 2015, dhún mé an doras i gCóbanhávan ar mo shaol oibre 42 bliana leis an Roinn.

Tá áthas orm a rá go leanann an saol ar aghaidh tar éis a bheith sa Roinn. Bhí an t-ádh orm an seans a bheith agam deiseanna gairmiúla nua a thapú san earnáil chorparáideach agus in earnáil an daonchairdis. D'fhág sé sin gur fhéad mé úsáid mhaith a bhaint as a lán de na scileanna a d'fhoghlaim mé agus mé ag obair sa Roinn – cibé an ag cur na hÉireann chun cinn mar áit ghnó é nó ag réiteach fadhbanna do chuideachtaí coigríche.

Thosaigh mé i mbun oibre sa Roinn Gnóthaí Eachtracha in 1972, mar dhuine den bhuíon nua a fostaíodh an tráth sin nuair a bhí an Bhreatain agus Éire ag dul isteach i gComhphobal Eacnamaíochta na hEorpa. Féach anois roth mór an tsaoil: tá an Roinn á múscailt féin arís chun déileáil le scor na Ríochta Aontaithe ón gComhphobal céanna sin.

Meabhraíonn sé sin dúinn freisin – in ainneoin an domhain athraithe ina gcónaímid – go bhfuil ár gcuid taidhleoirí ag teastáil go fóill, díreach mar a bhí amhlaidh an uair sin. Is ionann an taidhleoireacht, is dócha, agus foireann peile Chiarraí – ní imíonn sí uainn choíche i ndáiríre.