Tionscnamh Óige Global Horizons

Is clár nua é Tionscnamh Óige Global Horizons chun tabhairt ar dhaltaí Éireannacha dul i ngleic le gnóthaí idirnáisiúnta agus le hobair na Roinne Gnóthaí Eachtracha agus Trádála chun leasanna agus luachanna na hÉireann a chur chun cinn ar fud an domhain.

Tabharfaidh sé sárthaispeántas ar obair na Roinne chun rathúlacht eacnamaíoch na hÉireann a chur chun cinn, seasamh lenár luachanna agus ár leasanna i dtimpeallacht domhanda atá ag athrú go tapa, agus chun cosaint a thabhairt d’Éireannaigh thar lear trí sheirbhísí consalachta agus pas a chur ar fáil mar aon le maoiniú agus tacaíocht do ghrúpaí eisimirceach.

Beidh an Clár dírithe go príomha ar dhaoine óga, ó dhaltaí meánscoile, go háirithe daltaí na hIdirbhliana, go dtí mic léinn tríú leibhéal agus céimithe atá ag déanamh machnaimh ar an gcéad chéim eile a thógfaidh siad. Is iad trí shraith an Chláir: Clár Scoláirí Uíbh Eachach, Taidhleoirí sa Seomra Ranga, agus Ionadaíocht a Dhéanamh Thar Ceann na hÉireann Thar Lear.

Le tuilleadh eolais a fháil, bain úsáid le do thoil as an bhfoirm theagmhála atá ar fáil anseo, roghnaigh ‘Gach ceist eile’, agus luaigh ‘Global Horizons’ sa bhosca iarratais.”